Shefqet Avdush Emini

ANTIKOMBËTARËT SHQIPTARË PROMOVOJNË ARTISTË TË HUAJ NË KOSOVË DHE I FTOJNË NË FESTIVALE, NDËRSA SOT FTOJNË EDHE ARTISTIN QË KOPJON STILIN DHE SHPREHJEN E PERFORMANCËS SIME ( PLAGIATORET).

Unë kam shëtitur botën duke prezantuar artin dhe kulturën time, por nuk kam parë asnjë popull tjetër që vlerëson të huajt më shumë se popullin e vet. Me keqardhje, kjo duket të jetë një karakteristikë tipike vetëm për ne. Këta shqiptarë të padenjë dhe faqezinj kanë tendencë të mohojnë vlerat e mia, të cilat tashmë janë pranuar në artin modern botëror. Ky është "shpërblimi" i shoqërisë sonë shqiptare, për të cilën unë ia kushtova tërë jetën time kombit dhe kulturës.

Unë nuk ndjek interesa karriere apo përfitime materiale në Kosovë. Fatmirësisht, nuk më mungon asgjë, përveç etjes për atdheun tim dhe gjuhën time. Megjithatë, shoh se disa servilë po përpiqen të përfitojnë nga kjo situatë. Njëri prej tyre është Muhamet Ahmeti, i vetëquajturi "Metis". Ky individ, i cili punon në Fakultetin e Arteve, padrejtësisht ka uzurpuar një vend që duhet t’i përkasë dikujt më të aftë. Ai duhet të rishkollëzohet në profesionin e tij, e jo të jetë mësimdhënës. Jam i bindur se shumë artistë të rinj janë më të aftë se ai.

Fatkeqësisht, Kosova po shkon në një drejtim të gabuar dhe është e lodhur e rraskapitur. Kërkoni dritë për të ardhmen e saj! Askush nuk po i bën më shumë dëm Kosovës sesa një pjesë e vetë shqiptarëve tanë!

Popujt e mençur i përkrahin vlerat e veta, ndërsa ne i kundërshtojmë dhe i sulmojmë. Falënderoj intelektualët, gazetarët dhe mediat që e mbështesin këtë realitet. Por fatkeqësisht, shumë të tjerë vrapojnë pas hajdutëve, pijanecëve dhe tradhtarëve të kombit.

Më kujtohet thënia e të madhit Gjergj Fishta: "Le ta dijë e tërë bota mbarë..." Ai ishte largpamës dhe patriot i vërtetë!

Është e qartë pse si popull jemi të parrespektuar dhe larg botës së civilizuar. Pse të gjithë luajnë me fatin tonë? Sepse nuk dimë të përkrahim njëri-tjetrin, nuk punojmë për atdheun dhe kombin tonë, por merremi me intriga. Bashkëpunojmë me armiqtë, tradhtojmë interesat kombëtare dhe nuk kemi vetëdije të shëndoshë. Kjo është arsyeja pse çdo fuqi e huaj na ka shkelur me shekuj dhe vazhdon ta bëjë edhe sot. Ne ua mundësojmë armiqve që të mbajnë "çizmën në qafën tonë". Mjerë për këtë tokë dhe për popullin e sinqertë që po vuan nga këto kategori të padenja.

Shpresoj që e ardhmja do të sjellë ndërgjegjësim dhe do të largojë këtë virus nga mendjet tona të errëta. Uroj që brezat e ardhshëm të kthejnë vetëdijen dhe ta pastrojnë këtë mentalitet shkatërrues.

Jam i lumtur që jam mjeshtër i artit në Holandë, dhe jo në Kosovë, ku njerëzit të vrasin pas shpine vetëm për shkak të paaftësisë dhe xhelozisë profesionale.

I ftoj adhuruesit dhe njohësit e artit që të gjejnë kohë për të parë punën time dhe ta vlerësojnë atë për atë që është. Më vjen keq që disa njerëz në Kosovë kanë marrë pozita të rëndësishme dhe po manipulojnë masën. Ata janë matrapazë që organizojnë punëtori dhe festivale "ndërkombëtare" për artin, por në fakt janë më shumë se qyqarë dhe antikombëtarë. Ftojnë në këto festivale individë nga e gjithë bota, shumica e të cilëve nuk kanë nivel profesional dhe as kualifikime të duhura. Ata e bëjnë këtë vetëm për përfitime personale, përndryshe nuk do të kishin asnjë shans të shihnin Turqinë, Serbinë, Shqipërinë apo Rumaninë.

Këta antitalentë dhe antikombëtarë përhapin thashetheme dhe intriga vetëm për të ulur figurat e shquara dhe me vlera të pranuara botërisht. Pse e bëjnë këtë? Sepse vuajnë nga xhelozia dhe paaftësia e tyre. Ata përpiqen të prezantojnë "artin" e tyre në disa shtete dhe e kuptojnë se janë të kufizuar dhe pa aftësi të mirëfillta.

Është për të ardhur keq që disa individë të paaftë dhe të pandershëm, si Muhamet Ahmeti, vazhdojnë të kenë ndikim. Ky është një matrapaz i aftë vetëm për të bërë përçarje dhe intriga, sepse zemra e tij është e mbushur me urrejtje dhe nuk ka asnjë ndjenjë për interesin kombëtar. Në vend që të promovojnë artistët e mëdhenj të artit modern botëror, ata ftojnë të tjerë vetëm për përfitime personale.

Shoqëria dhe populli ynë e meritojnë më mirë se kaq. Ata që janë përgjegjës për artin dhe kulturën duhet të jenë njerëz me integritet, e jo individë të paaftë që përçajnë dhe shkatërrojnë vlerat tona kombëtare.

Ne kontribuuam për kombin që nga koha kur ishim studentë e deri më sot, por dikur u detyrova të largohem nga vendlindja për shkak të përndjekjes politike. Ne ndihmuam Kosovën dhe popullin tonë politikisht dhe materialisht, ndërsa sot këta qyqarë bashkëpunojnë me kundërshtarët dhe i ftojnë në evente kulturore në Kosovë. Ata marrin përkrahje nga Ministria e Kulturës, përndryshe nuk do të kishin asnjë mundësi të ekzistonin.

Nuk e di se çfarë mund të jetë më e turpshme. Shoh një numër të madh njerëzish që merren me kulturë dhe i përkrahin këta qyqarë vetëm për përfitime personale.

Oh, Kosovë, nëna ime! Është e trishtë të shohësh se kush të udhëheq. Kam frikë se nuk do të ketë dritë për ty derisa këta "baktere" të jenë pjesë e shoqërisë sonë. Kosova nuk është e tyre! Kosova u përket atyre që kanë zemër dhe gjak shqiptari. Mjerë për njerëzit më të mirë të popullit tonë që janë lënë në hije nga këta të padenjë.

Uroj që njerëzit e ndershëm të marrin drejtimin e shtetit tonë dhe t’i japin dritë të ardhmes. Kosova duhet të udhëhiqet nga patriotët dhe intelektualët e vërtetë, e jo nga servilët dhe njerëzit e paaftë.

Rinia e shëndoshë duhet të marrë në duar fatin e Kosovës dhe të sjellë shpresë për popullin tonë të shumëvuajtur.

Me respekt, Shefqeti